Орхон аймагт төрийн өмчийн 17 сургуульд нэгээс тавдугаар ангийн 11020 хүүхэд сурдаг бөгөөд эдгээр сурагчдын үдийн хоолны нэмэгдэл мөнгө болох 1,9 тэрбум төгрөгийг Орхон аймаг, “Эрдэнэт үйлдвэр” ТӨҮГ-ын хамтын ажиллагааны санхүүжилтээс шийдвэрлэж өгснөөр тус ажил хөрсөн дээрээ ийнхүү бууж эхэллээ. Цайны газраа түрээслэж үдийн цай хөтөлбөрийг хэрэгжүүлдэг байсан төрийн өмчийн сургуулиуд дэргэдээ цайны газараа авч ажиллуулсанаар төсөв хэмнэгдэж эхэлсэн байна. Энэ ондоо багтан бүх төрийн өмчид сургуулийн цайны газрын түрээсийг цуцалж өөрсдийн мэдэлт шилжүүлэх юм. Одоогоор Ерөнхий боловсролын 9 сургууь өөрсдөө цайны газраа ажиллуулж байна.
Монгол Улсын хэмжээнд нэгээс тавдугаар ангийн сурагчдын үдийн хоолонд өдөрт 1500 төгрөг зарцуулдаг бөгөөд энэ нь 350-450 ккал-ын илчлэгтэй юм. Өдрийн хоолыг 2885 төгрөг болгож нэмэгдүүлснээр хоолны илчлэг 650-800 ккал болж нэмэгдэв.
