Хөдөлмөрийн баатар, гавьяатууд, улсын аваргуудад хүндэтгэл үзүүллээ

“Илгээлтийн эзэд”-ийн 50 жилийн ой ирэх сарын 1,2-ны өдрүүдэд болно. Ойн баярын хүрээнд Хөдөлмөрийн баатар, төрийн соёрхолт, гавьяатууд АИХД, улсын цолтой бөхчүүд, харваачид, уяачид, улсын мэргэн цолтнууд, аймгийн Хүндэт иргэд, аймгийн удирдлагууд, улсын аварга малчид, тариаланчид, Улсын аварга фермерүүд, аварга тариаланч хамт олон хүндэтгэл үзүүлэх арга хэмжээг зохион байгууллаа. Хүндэтгэлийн арга хэмжээнд Орхон аймгийн Засаг дарга М.Түмэнжаргал, ЗДТГ-ын дарга Ш.Ганболд нар ахмадуудыг хүлээн авч гарын бэлэг гардуулан өгсөн юм. Олон жил уулзаагүй найз нөхөдтэйгөө уулзах боломж олгож, Илгээлтийн эздийн 50 жилийн ойн баярын хүрээнд хийж арга хэмжээг зохион байгуулсан аймгийн удирдлагуудад талархал илэрхийлж байсан юм.  Хүндэтгэлийн арга хэмжээнд нийт 250 гаруй ахмад оролцлоо.