Орхон аймгийн Хуримын ордныг Хүүхэд, гэр бүлийн хөгжлийн газрын харьяанд шилжүүлэхээр боллоо.
Тодруулбал, Гэр бүлийн ордон нь энэ ондоо багтан үйл ажиллагаагаа зогсоож, 2026 оны 1 дүгээр сараас “Гэр бүлийн хөгжлийн төв” нэртэйгээр шинэ бүтэц, зохион байгуулалтад шилжихээр төлөвлөжээ. Шинэ төв нь гэр бүл, хүүхдийн хөгжил, хамгааллын чиглэлээр сургалт, зөвлөгөө, үйлчилгээ үзүүлэх, мөн гэр бүлийн үнэт зүйлсийг бэхжүүлэхэд чиглэсэн ажлуудыг нэгтгэн хэрэгжүүлэх зорилготой юм.
Энэхүү асуудлыг ирэх арваннэгдүгээр сард Засаг даргын зөвлөлийн хуралдаанд танилцуулахаар холбогдох байгууллагууд бэлтгэл ажлаа ханган ажиллаж байна.
