“Уул уурхай ба сэтгүүл зүй” сэдэвт орон нутгийн сэтгүүлчид болон Эдийн засгийн сэтгүүлчдийн клубын төлөөлөл оролцсон “Эрдэнэт үйлдвэр” ТӨҮГ-ын үйл ажиллагаатай танилцах аялал зохион байгуулагдлаа.
Аяллын үеэр “Эрдэнэт үйлдвэр” ТӨҮГ-ын Ерөнхий инженер Т.Батмөнх мэдээлэл өгч, үйлдвэрийн ирээдүйн нөөц, хөгжлийн төлөвийн талаар онцоллоо. Тэрбээр “Эрдэнэт үйлдвэр 56 жил буюу 2082 он хүртэл үйл ажиллагаа явуулах нөөцтэй болсон талаар албан ёсоор мэдээлж байна” гэв.Мөн тэрбээр “Эрдэнэт үйлдвэр өнгөрсөн 48 жилийн хугацаанд баяжмалаа экспортолж ирсэн бол цаашид эцсийн бүтээгдэхүүн үйлдвэрлэх Металлургийн үйлдвэр байгуулах нь монгол инженерүүдийн мөрөөдөл” хэмээн онцолсон юм. Түүнчлэн шинээр нээгдсэн Оюутын ордыг эдийн засгийн эргэлтэд оруулах чиглэлд судалгаа, бэлтгэл ажлыг идэвхтэй хэрэгжүүлж байгааг танилцууллаа. .
