Орхон аймагт энэ оны эхний 1 сарын байдлаар шинээр 96 ажлын байр бий болжээ

Энэ оны эхний 1-р сарын байдлаар 131 ажлын байр бий болсны 73.3 хувь буюу 96 нь шинэ ажлын байр байна.Нийт бий болсон ажлын байрны 3.8 хувь нь удирдлагын болон дэмжлэг үзүүлэх үйл ажиллагааны салбарт, 4.6 хувь нь хүний эрүүл мэнд ба нийгмийн халамжийн үйл ажиллагааны салбарт, 8.4 хувь нь барилгын салбарт, 8.4 хувь нь зочид буудал,байр, сууц болон нийтийн хоолны үйлчилгээний салбарт, 9.2 хувь нь ХАА, ойн аж ахуйн салбарт, 11.5 хувь нь худалдааны салбарт, 13.7 хувь боловсруулах үйлдвэрлэлийн салбарт, 31.3 хувь нь боловсролын салбарт, 9.1 хувь нь бусад салбарт бий болжээ.Хөдөлмөр, халамжийн үйлчилгээний газарт 582 хүн ажил хайж бүртгэлтэй байгаагийн 58.2 хувь нь эмэгтэйчүүд байна. Тайлант хугацаанд бүртгэгдсэн ажилгүйчүүдийн 25.6 хувь нь сургууль төгссөн, 20.8 хувь нь өөр газраас шилжиж ирсэн, 3.6 хувь нь байгууллага татан буугдсан, 50.0 хувь нь бусад шалтгаанаар ажил хайж бүртгүүлжээ.