Гуравдугаар сарын 15-наас 200 тн нөөцийн махыг худалдаанд гаргана

Орхон аймаг энэ жил иргэдийнхээ хаврын махны хэрэгцээнд 200 тн мах нөөцлөөд байгаа. Энэ нь аймгийн нийт хүн амын 30-35 хувьд нь хүрэхээр нөөц юм.  Ингэхдээ орон нутгийн зүгээс кг тутамд 3100 төгрөгийн урамшуулал олгохоор болжээ.  Сонгон шалгаруулалтад гурван аж ахуйн нэгж материал бүрдүүлэн ирүүлснээс “Эрдмийт” ХХК, “Жаргалант мах импекс” ХХК шалгаран аймгийн ЗДТГ-тай гэрээ байгуулжээ. Үнийн хувьд Үхрийн мах нэг кг нь 9000 төгрөг, Хонины мах 6400 төгрөг, Ямааны мах 4900 төгрөгөөр худалдан борлуулна. Нөөцийн махны худалдааг 30 цэгээр гуравдугаар сарын 15-ны өдрөөс эхлүүлэн худалдаанд гаргана.