2024 оны 2-р сарын байдлаар Орхон аймагт 335 ажлын байр бий болсны 64.2 хувь буюу 215 нь шинэ ажлын байр байна.

Нийт бий болсон ажлын байрны 2.4 хувь нь үйлчилгээний бусад үйл ажиллагааны салбарт, 2.7 хувь нь удирдлагын болон дэмжлэг үзүүлэх үйл ажиллагааны салбарт, 3.3 хувь нь зочид буудал, байр, сууц болон нийтийн хоолны үйлчилгээнийсалбарт, 3.9 хувь нь хөдөө аж ахуйн  салбарт, 5.7 хувь нь хүний эрүүл мэнд ба нийгмийн халамжийн үйл ажиллагааны салбарт, 5.7 хувь нь барилгын салбарт, 8.4 хувь нь төрийн удирдлага ба батлан хамгаалах үйл ажиллагаа, албан журмын нийгмийн хамгааллын салбарт, 9.6 хувь боловсруулах үйлдвэрлэлийн салбарт, 16.1 хувь нь худалдааны салбарт, 36.7 хувь нь боловсролын салбарт, 5.5 хувь нь бусад салбарт бий болжээ. Хөдөлмөр, халамжийн үйлчилгээний газарт 1097 хүн ажил хайж бүртгэлтэй байгаагийн 52.1 хувь нь эмэгтэйчүүд байна. Тайлант хугацаанд бүртгэгдсэн ажилгүйчүүдийн 30.0 хувь нь сургууль төгссөн, 17.5 хувь нь өөр газраас шилжиж ирсэн, 1.5 хувь нь байгууллага татан буугдсан, 51.0 хувь нь бусад шалтгаанаар ажил хайж бүртгүүлжээ.