Аймгийн Засаг даргын зөвлөлийн хурал хуралдаж хотын доторх эвдрэл гэмтэлтэй явган зам, явган замын хашлагыг засч сайжруулахад шаардлагатай 21,7 сая төгрөгийг шийдвэрлэлээ. Хотын доторх эвдрэл гэмтэлтэй явган замын судалгааг гаргаж нэн яаралтай засч сайжруулахыг аймгийн Засаг даргаас холбогдох албаныханд үүрэг болгосон. Аймгийн хэмжээнд нийт 385,000 метр квадрат явган зам байгаагаас нийт 591 метр квадрат явган зам хашлагын хамт эвдрэл үүссэн, 40 метр үерийн сувгийн таг цөмөрч ашиглалтын шаардлага хангахгүй болсон байна. Иймд ХТГ-аас өөрийн нөөцөөр 160 метр квадрат явган замыг нөхөх ажлыг хийж байгаа бол үлдсэн 431 метр квадрат явган зам, хашлага, үерийн сувгийн таг хийх ажилд 21,7 сая төгрөг шаардлагатай гэсэн тооцоо гарсаныг Засаг даргын нөөц сангаас шийдвэрлэлээ. Түүнчлэн Цэнгэлдэх хүрээлэнгийн гадна цахилгаан хангамж кабель шугамыг шилжүүлэх ажилд 18,6 сая төгрөг шаардлагатай талаар ХЗА-аас танилцуулж төсвийг батлууллаа.
Эвдрэл үүссэн явган зам, явган замын хашлагыг засварлахад шаардлагатай зардлыг шийдвэрлэлээ
Аймгийн Засаг даргын зөвлөлийн хурал хуралдаж хотын доторх эвдрэл гэмтэлтэй явган зам, явган замын хашлагыг засч сайжруулахад шаардлагатай 21,7 сая төгрөгийг шийдвэрлэлээ.
