“Эрин зууны бахархал” Эрдэнэт хотын түүхт 50 жилийн ойн хүрээнд хэрэгжүүлж буй 50 бүтээн байгуулалтын ажлын нэг болох Барилгачдын талбайн уулзвараас Чандмань уулзвар хүртэлх авто замын шинэчлэлийн ажил 80 хувийн гүйцэтгэлтэй үргэлжилж байна.Тус замын авто замын суурь хучилтын ажил бүрэн дуусч, өнөөдөр өнгөн хучилтын ажлыг хийж гүйцэтгэж байна. Харин маргааш замын тэмдэг, тэмдэглэгээний ажлыг хийснээр уг хэсгийн шинэчлэлтийн ажил үндсэндээ дуусах юм.Зам засвар, шинэчлэлийн хүрээнд авто замын бүтэн хучилтыг шинэчлэхээс гадна 5,440 ам метр байгалийн чулуун хавтан бүхий явган хүний зам, 16,020 ам метр асфальтан хучилттай авто замын ажлыг хийж байна.
Уг бүтээн байгуулалтыг “Жи Пи Экспресс Финанс” ХХК гүйцэтгэж байна.
