Нийтийн тээврийн үйлчилгээний чанар хүртээмжийг сайжруулах, иргэдээс гарсан санал хүсэлтийг шийдвэрлэх зорилгоор аймгийн Засаг даргын баталсан шинэ /чиглэл/ маршрутын дагуу нийтийн тээврийн үйлчилгээг  өнөөдрөөс үзүүлж байна. 

Тодруулбал, Даниста-Урд хабитат-Дэнж-Уртын гол чиглэлд  нийтийн тээврийн автобус явж эхэллээ.  Иргэдтэй хийсэн хэд  хэдэн удаагийн уулзалтаар  дээрх чиглэлүүдэд нийтийн тээвэр явуулах санал хүсэлтийг ихээр гаргаж байв.  Иймд  иргэдийн санал хүсэлтийг шийдвэрлэж,   судалгаа хийн нийтийн тээврийн парк шинэчлэлтийн хүрээнд ирсэн эхний ээлжийн 10 автобусны 5-ыг нь дээрх чиглэлүүдэд өнөөдрөөс туршилтаар явуулж эхэллээ. 

Урд хабитат нь хотын төвөөс 5 км-ын зайтай алслагдсан гэр хороолол. Хаан банкны уулзвар дээрээс дээрх чиглэлд жижиг тэрэг иргэдэд үйлчилдэг байсан бол нийтийн тээвэр явж эхэлснээр иргэд  гэртэйгээ ойр бууж, суух боломж бүрдлээ.  Мөн Уртын гол багийн дундын замын иргэд нэлээдгүй газар явж нийтийн тээвэрт суудаг байсан асуудал ийн шийдвэрлэгдэж байна. 

Автобус өглөө 07:00-оос оройн 21:00 цаг хүртэл явах бөгөөд 14:00 цагт жолооч ээлжээ солино. Мөн автобус хооронд хүлээгдэл үүсгэхгүйгээр  1-2 минутын зайтай тогтмол эргэлтээр явуулахаар зорьж байна. Нэг талдаа долоон буудал байх бөгөөд бүтэн эргэлтэд 60 минут зарцуулах тооцоог гаргажээ.  Шинэ чиглэл учир туршилтын хугацаанд иргэдийн санал хүсэлтийг сонсож нийтийн тээврийн хүртээмж, үйлчилгээг илүү сайжруулахад анхаарна гэдгийг албаныхан хэллээ. 

Мэдээ танд ямар санагдав?

0

0

0

0

0

0