Орхон аймгийн ЗДТГ, Соёл, урлаг, аялал жуулчлалын газар хамтран 2025 оны 11 дүгээр сарын 11-ний өдрөөс 12 дугаар сарын 11-ний өдрүүдэд “Соёлыг түгээе” аяныг зарлан хэрэгжүүлж байна. Уг аян нь дөрөв дэх жилдээ зохион байгуулагдаж байгаа бөгөөд хотын иргэдэд зөв хандлага, эерэг соёл түгээх зорилготой юм.
Аяны хүрээнд Хэмнэл соёлын төвийн хөгжмийн гурвал Эрдэнэт хотын иргэдийг хөгжимт аялгуугаар угтах “Хөгжимтэй угталт” арга хэмжээг зохион байгуулж байгаа бөгөөд энэ удаагийн угталт Авто тээврийн төвд боллоо. Уран уянгалаг хөгжмийн аялгуугаар өглөөг угтсан иргэдэд таатай сэтгэгдэл төрүүлсэн байна.Аяны нээлтийг аймгийн ЗДТГ түүчээлэн зохион байгуулсан бөгөөд төрийн байгууллага, аж ахуйн нэгжүүд “Хөгжимтэй угталт”-д үе шаттайгаар нэгдэж байна.
#СОЁЛЫГ_ТҮГЭЭЕ
#ЗӨВ_ХАНДЛАГА_ХОТЫН_СОЁЛ
