Нийслэлийн Баянзүрх дүүргийн 26-р хороо Дүнжингарав орчим гарсан осол, дэлбэрэлтийн улмаас Онцгой байдлын гурван албан хаагч амиа алдаж, олон арван иргэд эд хөрөнгө, сэтгэл санаагаараа хохирсон харамсалтай үйл явдал болсон.
Орхон аймгийн Онцгой комисс хуралдаж орон нутагт үйл ажиллагаа явуулж буй шатахуун түгээх станцуудыг нүүлгэн шилжүүлэх шийдвэр гарч ажлын хэсгийг байгуулна ажиллаж байна. Хотын суурьшлын бүсэд 9 ААНБ-ын 20 шатахуун болон шингэрүүлсэн хий түгээх станц байрлаж байна. Эдгээрээс аюултай ачаа тээвэрлэлтийн маршрут баримтлаагүй, зам талбайн багтаамж зөрчилтэй, үйл ажиллагаа явуулахдаа стандарт, дүрэм журмыг баримталж ажиллаагүй ААН-ийг нүүлгэн шилжүүлэх хүртэл арга хэмжээ авч ажиллана.
